Shalay (22.5.2018.) Safar aanu ku tagnay deegaannada
xeebta galbeed ee Somaliland waxaannu casar gaaban gaadhnay deegaanka Gargaara.
Masiibadii duufaanta sabtidii ku dhufatay xeebuhu, waxa ay xanuujisay dadka
deegaanka Gargaara. Lix iyo toban qof ayaa kaga dhigtay daadadkii duufaanta.
Afar iyo toban ka mid ahi laba nin oo ilmaadeer ah iyo qoysaskoodii oo jees
wada deggan bay ahaayeen. Qoys siddeed ah iyo mid lix ah oo aanu midi ka bixin.
Wiilka warbaahintu waraysatay labada qoys midkood buu ahaa, isaga oo dugsiga ku
maqan ayey madhashadu haleeshay qoyskiisa. Waa masiibooyinka ay reebtay
duufaantu.